Single Blog Title

This is a single blog caption

Drekkutími* í Húsi sjávarklasans

Þann 4. febrúar síðastliðinn var matarfrumkvöðlum boðið í Drekkutíma* í Húsi sjávarklasans með það að markmiði að tengja þennan hóp betur saman og kynna nokkur verkefni sem hugsanlega gætu nýst þessum hópi.

WED4317-1024x684

Deloitte kom og kynnti Fast 50 sem er eins konar uppskeruhátíð íslenska tæknigeirans. Með verkefninu er tæknifyrirtækjum skapaður vettvangur þar sem vekja má athygli á vaxtarmöguleikum sínum.

Íslandsbanki kynnti Frumkvöðlasjóð Íslandsbanka sem styrkir frumkvöðlaverkefni sem leggja áherslu á endurnýjanlega orku og sjálfbæran sjávarútveg.

Icelandic Startups (áður Klak-Innovit) kynnti Gulleggið og önnur verkefni. Gulleggið er frumkvöðlakeppni þar sem fumkvöðlum gefst tækifæri til að koma hugmyndum sínum á framfæri og gera raunáætlanir um stofnun fyrirtækja.

Loks kynnti Íslenski sjávarklasinn sína starfsemi og þá þjónustu sem fyrirtækið býður upp á fyrir frumkvöðla. 

Á fésbókarsíðu Íslenska sjávarklasans er hægt að skoða myndir frá Drekkutímanum.

*Drekkutími er íslenska orðið yfir Happy hour